Itinanggi ng Malacañang nitong Miyerkules ang pahayag ni Bise Presidente Sara Duterte na inihambing ang pag-aresto sa kanyang ama, dating Pangulong Rodrigo Duterte, sa isang "state kidnapping."
"Wala akong nakikitang kidnapping dahil hindi ito pwersahan. Lahat ng kinakailangang elemento para maging balido ang warrant of arrest at ang koordinasyon sa Interpol ay kumpleto na," dagdag niya.
Si Duterte ay nakatakdang dalhin sa The Hague matapos arestuhin batay sa warrant ng International Criminal Court (ICC), na may kaugnayan sa kanyang madugong kampanya kontra droga.
Ayon sa ICC, ang 79-anyos na dating pangulo ay nahaharap sa kasong "crime against humanity of murder" dahil sa drug war, kung saan tinatayang libu-libong mahihirap na kalalakihan ang napatay, karamihan ay walang sapat na ebidensya na may kaugnayan sila sa ilegal na droga.
Noong Martes, sinabi ni Bise Presidente Duterte na ang nangyari sa kanyang ama ay maihahalintulad sa isang "state kidnapping."
"Parang, ewan ko, ano bang tawag diyan? State kidnapping? Parang ganyan na 'yung nangyayari," aniya sa isang panayam sa Villamor Air Base.
READ ALSO: Sen. Bato Dela Rosa, Hindi na Raw Ma-contact at Di Matukoy kung Nasa Bansa Pa
Lumipad si VP Duterte patungong Amsterdam nitong Miyerkules ng umaga, ayon sa kanyang opisina, ngunit hindi na ito nagbigay ng karagdagang detalye.
Wala ring impormasyon ang Malacañang kung si VP Duterte ay kumuha ng clearance para makalabas ng bansa.
Pinabulaanan din ni Castro ang mga alegasyong hindi nabigyan ng maayos na atensyong medikal si dating Pangulong Duterte matapos ang kanyang pag-aresto.
Aniya, "Binigyan siya ng tamang pangangalaga bilang isang Pilipino at dating pangulo."
"Kumpleto ang kanyang kasamahan roon—may mga doktor, nurse, at naroon din ang kanyang mga abogado. Walang katotohanan ang sinasabing hindi siya nabigyan ng sapat na atensyon, lalo na sa kanyang mga pangangailangang medikal," pahayag ni Castro.
"Ayon sa doktor na sumuri sa kanya, hindi kritikal ang kanyang kondisyon kaya hindi kailangang dalhin siya sa ospital," dagdag niya.
READ ALSO: Iloilo Vlogger, Sinilaban ang Sarili para sa Content at Humihingi ng Tulong sa Gastos sa Ospital
Samantala, sinabi rin ni Castro na wala pang pag-uusap tungkol sa posibleng pagbabalik ng Pilipinas sa ICC.
Umalis ang Pilipinas sa ICC noong 2019 sa utos ni Duterte, ngunit iginiit ng tribunal na may hurisdiksyon pa rin ito sa mga pagpatay bago pa man umalis ang bansa, pati na rin sa mga pagpaslang sa Davao City noong panahon ng panunungkulan ni Duterte bilang alkalde.
Sinimulan ng ICC ang pormal na imbestigasyon noong Setyembre 2021, ngunit sinuspinde ito makalipas ang dalawang buwan matapos sabihin ng gobyerno ng Pilipinas na nire-review nito ang daan-daang kaso ng mga operasyong kontra droga na humantong sa pagkamatay ng mga suspek sa kamay ng pulis, mga hitman, at vigilante.
Muling ipinagpatuloy ang kaso noong Hulyo 2023 matapos ibasura ng limang-hukom na panel ang pagtutol ng Pilipinas na walang hurisdiksyon ang korte.
Post a Comment