Naganap ang insidente sa Barangay Vasra, Quezon City, habang papunta ang biktima sa simbahan.
Ayon sa ulat ng TV5's Frontline Pilipinas, ang suspek ay isang rider ng isang motorcycle taxi company at may sakay na babaeng pasahero nang mangyari ang trahedya.
READ ALSO: Davao-based influencer Tor Bagtik, binatikos dahil sa mapanirang pahayag tungkol sa mga Lumad
Napakalakas ng impact ng banggaan kaya't tumilapon ang biktima ng ilang metro, kasama ang rider at ang kanyang backriding na pasahero.
Tumayo ang rider upang tingnan ang kanyang matandang biktima, habang ang kanyang backride ay nagtungo sa gilid ng kalsada.
Mabilis namang rumesponde ang barangay sa aksidente, at dinala ang biktima sa ospital gamit ang ambulansya.
Samantala, agad namang inaresto ng mga pulis ang motorcycle rider na nakabangga sa biktima.
Sa ospital, lumubha ang kalagayan ng biktima. Dinala pa siya ng kanyang pamilya sa ibang ospital, ngunit sa kasamaang-palad, binawian siya ng buhay.
Sa isang panayam ng TV5, sinabi ng anak ng biktima na si Angelo Escarte na mahigpit ang kanyang ama pagdating sa pagpapanatili ng malusog na pamumuhay.
Nahaharap na sa kasong homicide ang suspek, at kinumpiska na rin ang kanyang motorsiklo. Iniisip din ng pamilya ng biktima ang pagsasampa ng reklamo laban sa motorcycle taxi company ng suspek.
Samantala, hindi nakapag-exam para sa kanyang licensure test ang backride ng suspek dahil sa insidente.
إرسال تعليق